City Mayor Ronnie Dadivas pormal nga ginturn-over ang 12 ka mga unit sang motorsiklo sa PNP kag TMU sa siyudad sang Roxas

ROXAS CITY-Pormal na nga ginturn-over ni Roxas City Mayor Ronnie Dadivas ang 12 ka mga unit sang mga motorsiklo sa Philippine National Police kag sa mga katapo sang Traffic Management Unit (TMU) sa siyudad sang Roxas.

Sa interview sang Bombo Radyo kay Dadivas ginpahayag sini nga gamiton ang mga motorsiklo para sa pagpatigayon kag pagpatuman sang mga layi, covid-response kag mga problema sa trapiko sa siyudad.

Sa pihak sini, nagpahanumdom naman ang nasambit nga alkalde nga halongan ang nasambit nga mga motorsiklo.

Ginbaton naman ni Police Captain Cyril Punzalan ang anom ka mga unit sang motorsiklo para sa mga kapulisan.