-- ADVERTISEMENT --
ROXAS CITY-Naglab-ut na sa 469 ang kabug-osan nga kaso sang coronavirus disease 2019 ukon COVID-19 ang napagkit sa probinsiya sang Capiz.
Sa ginpaguwa nga case bulletin sang Capiz Provincial Health Office (PHO), 9 ka mga panibag-o nga kaso ang nagdugang sa probinsiya kahapon,Setyembre 28.
Suno sa PHO nga lunsay mga residente sang siyudad sang Roxas ang mga nagpositibo sa COVID-19 kun sa diin kadam-an sini sa ila ang may yara sang close contact sa nagpositibo sa nasambit nga balatian.
Gindugang pa sang PHO nga 145 diri ang ginakabig nga active cases ukon padayon nga ginabulong sa ospital.
Samtang naglab-ut na sa 297 ka mga indibidwal ang nag-ayo na sa nasambit nga balatian kag nagapabilin naman sa 27 ang ginbawian sang kabuhi.
-- ADVERTISEMENT --
