Nagapangabay ang Capiz Police Provincial Office (CPPO) sa publiko nga magbuligay sa kapulisan sa pagpalapnag sang impormasyon kag pahanumdom agud mapunggan ang mga insidente sang pagpangawat sa probinsya.
Sa interview sang Bombo Radyo,kay Police Major Rachelle Garnica, public information officer sang CPPO, iya ginpahayag nga daku ang papel sang media sa crime prevention bangud mas madali nga maabot ang mga pumuluyo kag mahatagan sila sang praktikal nga pahanumdom .
Suno kay Garnica, nagakadapat nga mangin alerto kag maghalong ang publiko sa ila mga pagkabutang, ilabi na sa mga lugar nga madamo ang tawo kag sa mga tion nga nagadala sang kwarta ukon malahalon nga mga gamit.
Dugang pa sang natungdan, indi lamang police operations ang solusyon sa crime prevention, kinahanglan man ang aktibo nga partisipasyon sang komunidad kag pagbuligay sang publiko kag kapulisan.
