Pagahugton sang Capiz Police Provincial Office (CPPO) ang seguridad sa mga eskwelahan sa bug-os nga probinsya.
Sa interview sang Bombo Radyo Roxas kay Police Major Rachelle Garnica, Public information officer sang Capiz Police Provincial Office, iya ginpahayag nga pagadugangan pa ang police visibility sa mga school zone, ilabi na sa oras sang pagsulod kag pagguwa sang mga estudyante.
Suno kay Garnica, padayon man ang regular police patrol sa palibot sang mga eskwelahan agud malikawan ang ano man nga insidente nga mahimo magbutang sa peligro sa mga estudyante, manunudlo, kag iban pa nga mga personnel.
Dugang pa sang natungdan, nagakoordinar man ang mga kapulisan sa mga school heads agud mapabaskog kag masiguro nga ginapatuman ang nagakaigo nga mga tikang sa seguridad.
