Ginmando sang Department of Agriculture ang temporaryo nga pag-untat sang pagpanagtag sang abono gikan sa lima ka suppliers matapos makabaton sang reklamo sa kalidad sang ila mga produkto.
Suno kay Agriculture Secretary Francisco Tiu Laurel Jr., nagpatigayon na sang imbestigasyon ang ahensya batok sa mga kompaniya nga may kontrata sa gobyerno, sa diin ginapahayag nga nagapakig-angot ang DA sa Fertilizer and Pesticide Authority agud tsekyaron kon bala nagasunod sa standards sang gobyerno ang mga ginasupply nga abono.
Ginhatagan pagtamod sang tiglikom nga indi mabaton ang pagdul-ong sang mga substandard nga produkto sa mga suppliers bisan pa nga ihatag sang gobyerno ang presyo nga ila gintanyag sa bidding.
Sa idalom sang direktiba, ang tanan nga stock sang abono gikan sa nasambit nga mga supplier gina-freeze tubtob nga ang Office of the Secretary maghatag sang clearance. Samtang, ang tanan nga DA staff ang ginmanduan nga magsumite sang mga report sa pending deliveries, current transactions, kag may kaangtanan nga mga dokumento agud mapadasig ang maid-id nga pagrepaso.
Sa subong, wala pa matumod sang ahensya ang ensakto nga detalye sang mga reklamo, apang suno sa DA kabahin ini sang mas hugot nga monitoring sa kalidad sang farm inputs nga ginagamit sang mga mangunguma sa tunga sang nagataas nga gasto sa produksyon.
