Hugot nga ginabantayan ang presyo sang bugas sa mga merkado bangud ginadumilian pa ang pag-import sini.
Ini ang ginkumpirmar ni Agriculture Secretary Francisco Tiu Laurel Jr.
Tinutuyo sang sini nga tikang nga masiguro nga ang ₱43 kada kilo nga pinakamataas nga presyo para sa imported nga bugas ang ginasunod.
Suno sa tiglikom, ginmanduan na niya ang Agribusiness and Marketing Assistance Service ukon AMAS nga tutukan ang mga merkado nga may reklamo sa mataas nga presyo sang imported rice.
Ginpahayag ni DA Assistant Secretary Genevieve Velicaria-Guevarra nga magapadala sang sulat ang ila departamento sa apat ka mga merkado sa Metro Manila nga ginreport nga nagabaligya sang mahal nga presyo sang bugas.
Magakadto man ang Agribusiness and Marketing Assistance Service (AMAS) sa mga merkado agud tsekyaron ang price violations kag sila man ang maga inspeksyon sa mga bodega agud mahibaluan kun may yara sang bastante nga supply sang bugas.
Dugang pa sang tiglikom, bastante sa gihapon ang supply sang imported rice bisan pa nga palawigon pa ang pagdumili sa pag-import sini.
