Ginmanduan ni Agriculture Secretary Francisco Tiu Laurel Jr., ang Bureau of Animal Industry (BAI) nga palawigon ang controlled testing African Swine Fever (ASF) vaccine sa mga iban nga lugar sa Luzon, subong man ang mga rehiyon nga gintalana bilang red zone sa Visayas kag Mindanao.
Matandaan sadtong tinalikdan nga semana, ginsuguran na sang BAI ang una nga round sang pagbakuna sa mapagros nga baboy sa Lobo, Batangas, kung sa diin ginatumod nga ground zero para sa pinakadako nga ASF outbreak sumugod nga nag-umpisa ang tig-ululan dala sang Habagat.
Bangud sini, plano sang DA nga ilakip sa kontrolado nga pagtesting ang La Union, Quezon, Mindoro, North Cotabato, Sultan Kudarat, kag Cebu sang BAI sa pauna nga 150,000 dose sang mga bakuna kontra ASF.
Mahibaluan nga ang mga bakuna ang ginatan-ay kag wala sang bayad sa mga manughupot sang baboy agud suportahan ang ila mga pagtimakas sa pagpakigbato sa nasambit nga sakit sang sapat.
Pahayag ni Secretary Tiu Laurel, ang mga commercial pig farm nga makit-an sa mga lugar nga madamo sang impeksyon makabaton man sang mga bakuna agud maatipanan ng ila mga stock nagikan sa sakit.
