Natiphag ang bahin sang dalanon sa Sitio Ibian, Barangay Mianay, Sigma, Capiz kag nagtuga sang sinkhole.
Sa interview sang Bombo Radyo kay Mayor Dante Eslabon, iya gin pahayag nga ang pagkatiphag sang dalan ang kausa sang mabaskog nga ulan kag current sang tubig.
Suno pa kay Eslabon, wala na ginpa-agyan sa mga dalagku nga salakyan ang nasambit nga dalan kag mga motorsiklo na lang ang ginapasugtan nga makalusot.
Pahayag pa niya, nagpasalig man ang Officer-in-charge sang Department of Public Works and Highways (DPWH) nga tinguhaan nga matapos repair ang dalan agud liwat na nga maagyan sang tanan nga klase sang salakyan.
Dugang pa sang mga natungdan, padayon ang pagmonitor sa tanan nga mga kabarangayan sang bug-os nga banwa sang Sigma kag pagatan-ayan sang bulig ang mga naapektuhan sang baha.
