Nagpaandam ang PAGASA nga kapin sa 40 ka mga lugar sa pungsod ang posible nga makabatyag sang “danger level” nga heat index sa Miyerkules, Mayo 13. Suno sa weather bureau, mahimo ini maglab-ot sa 42°C tubtob 45°C nga delikado sa lawas sang tawo.
Ginpahayag sang PAGASA nga ang mataas nga heat index mahimo magdala sang heat cramps, heat exhaustion kag posible man nga heat stroke kon maglawig ang pagpabilin sa init nga palibot. Gani ginapanugyanan ang publiko nga mag-inom sang madamo nga tubig, likawan ang mabudlay nga aktibidad sa gwa kag magpabilin sa mabugnaw nga lugar kon mahimo.
Samtang, madamo man nga mga lugar ang ginapaabot nga makabatyag sang “extreme caution” nga lebel sang kainit. Padayon nga ginamonitor sang PAGASA ang sitwasyon bangud sa padayon nga mataas nga temperatura sa nagkalain-lain nga bahin sang Pilipinas
