Padayon ang monitoring sang Dao Municipal Disaster Risk Reduction and Management Office (MDRRMO) sa lebel sang tubig sa suba kadungan sang pag-igo sang bagyo Verbena.
Sa interview sang Bombo Radyo kay Wilmor Robles, Head sang Dao Municipal Disaster Risk Reduction and Management Office, iya ginpahayag nga nagapabilin sa yellow level ang tubig sa suba bangud sa mabaskog nga pag-ulan.
Suno kay Robles, hugot nga ginabantayan ang 18 sa 20 tanan ka mga barangay nga mga flood prone area sa tion nga mag-subside ang tubig sa mga kalapit nga banwa,may posibilidad nga mag taas ang lebel sang tubig sa banwa sang Dao bangud makabig man ini nga isa ka catch basin.
Pahayag pa niya,nagpatigayon ang ila talatapan sang pre-disaster asessment kaupod ang local government unit sang banwa sang Dao kag iban pa nga mga ahensya sang agud nga istoryahan ang mga tikang nga pagahimuon antes pa man nga mag-agi ang bagyo.
Samtang, bangud sa pagtawhay sang panyempo, iga-resume na ang klase sa tanan nga lebel subong nga adlaw.
Nagpahanumdom man ang natungdan sa publiko nga padayon nga mangin aligmat sa pagbantay sang palibot bangud sa indi mapaktan nga lakat sang panahon.
