Indi garantiya nga epektibo nga solusyon ang death penalty agud matuldukan ang korupsiyon sa pungsod.
Ini ang gintuad sang Commission on Human Rights (CHR) sa tunga sang ginaduso nga panukala nga layi sa Kamara de Representantes nga House Bill No. 11211 ukon Death Penalty for Corruption Act, ang panumbungon nga kamatayan pinaagi sang firing squad para sa mga corrupt nga opisyal sang gobyerno.
Dugang pa nga apisar ang intensiyon sang panukala amo agud pahugon ang public officials agud maglikaw na nga mangurap, nagapati ang CHR nga indi ini epektibo nga solusyon.
Suno sa komisyon, isa ka grave offense ang korupsiyon, apang ginpahayag man sini nga indi masabtan sang nasambit nga panumbungon ang problema sa korupsiyon, apang ginabalabagan sang panukala ang kinahanglanon para sa sistematiko nga reporma kag ginapalayo sini ang pokus nagikan sa preventative measure kasubong sang pagpakusog sang mga mekanismo sa pananagutan kag governance systems.
Nagpaandam man ang CHR sa House leaders nga ginadumilian ang death penalty sa idalom sang 1987 Constitution.
