“No Show” na naman liwat si Senator Ronald “Bato” dela Rosa sa pagbalik sang Senado sa regular plenary session matapos ang holiday break.
Naglawig na gid ang iya unexplained absence nga naghatag sang rason sa publiko agud magpamangkot kun “diin ang senador?” kag “ngaa wala ini nagatambong sa senado?”.
Suno kay Senate President Vicente Sotto III, wala sya makaistorya kay Dela Rosa humalin nga wala ini nakasulod sa trabaho kasunod sang nangin pahayag ni Ombudsman Jesus Crispin Remulla nga may yara na sang arrest warrant ang International Criminal Court batuk sa nasambit nga senador.
Nahibaluan nga si Dela Rosa ang nalakip sa mga ginpasakaan sang kaso nga crimes against humanity kaupod si former President Rodrigo Duterte bangud sa katungdanan sini bilang chief implementer sang maduguon nga war on drugs sang nagligad nga administrasyon.
