-- ADVERTISEMENT --
ROXAS CITY – Patay ang driver sang tricycle matapos nga mabungguan sang Ceres bus liner sa Barangay Nasunugan, Dao, Capiz.
Nag-angkon sang atal nga pilas sa lawas ang biktima nga si Jomarie Barlas sang Barangay Manhoy, Dao nga gindeklara nga dead on arrival sang mag-abot sa ospital.
Sa imbestigasyon sang Dao PNP nagaguwa nga pauli na ang biktima sang hinali nga nang-agaw sang linya sa kalsada ang bus nga ginamaneho ni Romeo Bacia sang Balasan, Iloilo.
Nadulaan sang kontrol ang bus bangud sa madasig nga pagpadalagan sang driver kag nabungguan sini ang nakasugata nga driver sang tricycle.
Sa karon yara na sa kostodiya sang mga pulis si Bacia samtang yara sa isa ka punerarya ang bangkay ni Barias.
-- ADVERTISEMENT --
