Madamo nga mga digital service providers ang nagapahayag nga magapamuhunan sa Pilipinas, ini ang ginpahayag ni BIR Commissioner Romeo Lumagui Jr.
Base sa datos sang ahensiya sa karon yara na sa 100 digital service providers ang naga-operate sa pungsod lokal man ukon internasyunal.
Indi naman masiling ni Lumagui kun pila ka mga digital service providers ang nagpahayag nga magapamuhunan sa pungsod.
Suno kay Lumagui, mas maayo ang ila nga mangin datus kun fully implemented na ang layi.
Dugang pa sini, sa karon mabudlay pa maghambal sang projection angut sa mga local and foreign digital service providers nga nagatuyo nga mag-negosyo sa pungsod bangud indi pa nila nakita ang kabug-usan nga feature.
Dako suno diri nga bulig ang Value-Added Tax on Digital Services Law agud makuha ang data nga nagaagi sa internet kag sa digital space pinaagi sa mga online transaction.
Pinaagi man sini, matumod ang pila ka mga digital service providers nga naga-operate sa pungsod.
Sa pihak nga bahin, yara na sa 90 ka adlaw ang ginahatag sa BIR agud magguwa sang revenue regulations tuhoy sa bag-o nga layi bangud may kinahanglan sila nga ubrahon para sa sistema sang ahensiya.
Ang full implementation sang layi ang 120 days matapos ang effectivity sang IRR.
