Nagpasalig ang Department of the Interior and Local Government (DILG) nga magahatag sang bulig kag dugang nga bulig sa mga Pilipino sa Israel, ilabi na kun maglala ang tensyon sa tunga sang Iran kag Israel.
Ini ang mga pahayag ni DILG Secretary Jonvic Remulla matapos mainit nga pag-abi-abi sa 17 ka mga opisyales nga luwas nga nakapauli sa Pilipinas halin sa ila study tour sa Israel.
Ginpahayag man sini nga 24/7 ang monitoring sang ila talatapan agud masiguro nga safe nga makapauli sa pungsod ang mga opisyales nga wala sang ano man nga problema.
Kasunod sini, ginpasalig ni Remulla nga ang ila talatapan, sa kolaborasyon sang Department of Foreign Affairs (DFA) kag bisan ang Office of the President (OP), handa nga magsabat sa mga kasimanwa nga nagapabilin sa pungsod sa tunga sang tensyon sa tunga sang Iran kag Israel.
Samtang nakahanda naman ang mga departamento nga magdala sang mga eroplano sa tion nga may yara pa sang mga Pilipino nga nagakinahanglan sang bulig nga makapauli sa pungsod agud masiguro ang ila kaluwasan.
Sa subong, sa 30,000 ka Pinoy sa Israel, 191 pa lang ang naghingyo nga magpaidalom sa repatriation.
