Nagtanyag sang P15 million nga padya ang Department of the Interior and Local Government (DILG) sa makahatag sang impormasyon nga magadul-ong sa pagdakop kay Senador Ronald “Bato” dela Rosa, nga ginapangita may kaangtanan sa arrest warrant sang International Criminal Court (ICC).
Ginhatagan sang PNP sang isa ka semana si Sen.dela Rosa agud magsungka sa otoridad.
Suno kay Remulla, makabig nga armado kag delikado si Dela Rosa bangud padayon ang paglagas sa iya sang mga otoridad.
Nahibaluan nga nagapanago ang senador may kaangtanan sa gin-isyu nga arrest warrant sang International Criminal Court (ICC) batok sa iya bangud sa mga alegasyon sang crimes againts humanity, partikular na ang murder, may kaangtanan sa iya pag-intra sa kampanya kontra droga sa panahon sang administrasyon ni former President Rodrigo Duterte.
Nagpanawagan ang mga otoridad kay Dela Rosa nga magsungka sa sulod sang gintalana nga tion samtang padayon ang mga tikang sa pag-execute sang arrest warrant.
