-- ADVERTISEMENT --
Ginasuportahan ni Interior and Local Government Secretary Jonvic Remulla ang total ban sa online gaming platform nga Roblox kasunod sang shooting incident sa Ateneo de Zamboanga University.
Suno kay Remulla, may mga link ang Roblox sa dark web kag nagapakita man ini sang mga violent content.
Partikular nga ginhingadlan niya ang mga first-person shooter games nga mahimo makahatag sang negatibo nga impluwensya sa mga kabataan.
Ginpahayag ni Remulla ang iya kabalaka sa posible nga epekto sang violent content kag online games sa mga menor de edad.
Gintumod niya ang shooting incident sa Zamboanga diin ginpakita sang estudyante sa iya livestream ang armas nga kaangay sang first-person perspective nga makita sa mga video game.
-- ADVERTISEMENT --
