-- ADVERTISEMENT --
Nakakita sang bastante nga ebidensya ang Department of Justice (DOJ) agud mapasaka ang kaso nga grave threats batok kay Vice President Sara Duterte.
Ginhatagan pagtamod ni Palace Press Officer Undersecretary Claire Castro nga bisan ang mga kaalyado sang Bise Presidente ang una na nga nagsuhestyon nga dal-on ang kaso sa korte sa baylo nga ipadayon ang impeachment.
Nahanungod naman sa posibilidad nga magluntad ang conflict bangud dungan nga ginapatigayon ang impeachment proceedings, ginpahayag ni Castro nga magkatuhay ang criminal case kag ang impeachment proceedings.
Suno sa iya, sa impeachment, gina-evaluate ang ikasarang kag suitability sang isa ka lider sa posisyon, lakip na ang iya batasan, pagka-agresibo kag anger management.
