Ginganyat ni Department of Labor and Employment (DOLE) Undersecretary Benjo Benavidez ang mga minimum wage earner nga mag-avail sang Ayuda sa Kapos Ang Kita Program (AKAP).
Suno kay Benavidez, ang nasambit nga programa ang sadya nga ginhimo agud mabuligan ang mga mamumugon nga nagasahod sang minimum wage kag below minimum wage.
Ang kontrobersyal nga AKAP ang isa ka government assistance program sa idalom sang Department of Social Welfare and Development (DSWD) kag National Economic Development Authority.
Suno kay Benavidez, mahimo nga makakuha ang mga mamumugon sang salary certification gikan sa ila mga employer kag isumiter ini sa DSWD.
Ang tanan nga aplikasyon ang ginasunod sa guidelines sa implementasyon sini. Diri man pagatulukon kun makapasa sila kag tayuyon nga mangin benepisyaryo sini.
Suno pa sa DOLE official, kun mangin benepisyaryo ang mga ini ang isapubliko man ang ila mga rekord, kag mahimo ini nga makita sang Commission on Audit (COA), salig sa responsibilidad sang pag-audit sang mga pampubliko nga pondo.
Base sa 2025 General Appropriations Act (GAA) nga ginpirmahan ni Presidente Ferdinand Marcos Jr., ang AKAP ang may pondo nga P26 billion para sa tuig 2025.
