Nadul-ong na sang Department of Agriculture (DA), ang donasyon nga bugas sa mga mga pamilya nga naapektuhan sang bagyong Kristine sa Batangas.
Suno kay Agriculture Secretary Francisco Tiu Laurel Jr., naglab-ot masobra 4,000 metriko tonelada nga bugas ukon kabaylo sang 100,000 ka sako ang napalab-ot sang ahensya sa mga residente.
Ang nasambit nga donasyon ang nagikan pa sa South Korea.
Pahayag ni Laurel, ini ang pinaagi sa idalum sang Tier 3 Program sang ASEAN Plus Three Emergency Rice Reserve.
Matandaan, kalakip ang Pilipinas sa tiglawas sa National Food Authority sa ASEAN Plus 3 Emergency Rice Reserve program.
Ginklaro pa sang ahensya nga ang nasambit nga lugar kalakip sa tuman nga naapektuhan sang bagyo kung sa diin kadam-an sa mga pamilya nagakinahanglan sang ayuda nagikan sa gobyerno.
Bangud sini, ginsiguro ni Laurel nga mangin preparado sila sa tanan nga oras agud magsabat sa kinahanglanon sang mga Pilipino ilabi na sa tion sang kalamidad.
