Arestado ang isa ka district engineer sang Department of Public Works and Highways (DPWH) matapos ginapahayag nga nag-offer ini sang masobra ₱3 million nga suhol kay Batangas 1st District Representative Leandro Leviste agud punggan ang plano nga imbestigasyon sa mga ginaalegar anomalya sa proyekto sang DPWH.
Suno sa Police Regional Office 4A (PRO-4A), nadakpan ang suspek nga nakilala lamang sa pangalan nga “Abe” sa isa ka operasyon sa Barangay Poblacion Zone, Taal, Batangas pasado alas-7:45 sang gabi sang Biyernes.
Dugang pa sang natungdan, gilayon nga nag-report si Congressman Leviste sa mga otoridad nga nagresulta sa madinalag-on nga pagkaaresto sang suspek.
Nakumpiskar sang pulisya ang kwarta nga suhol bilang ebidensya.
Sa karon, yara na sa kustodiya sang Taal Municipal Police Station ang engineer kag nagapaidalom sa medikal nga proseso.
Nagapangatubang ini sa kaso nga Corruption of Public Officials kag paglapas sa Anti-Graft and Corrupt Practices Act sa Batangas Provincial Prosecutors Office.
Samtang, ginpahayag ni DPWH Secretary Manuel Bonoan nga insakto lang nga maaresto ang nasambit nga engineer kun mapamatud-an nga matuod ang alegasyon.
