Yara na sa maayo nga kondisyon ang tatlo sa apat ka tawo sa nagluntad nga vehicular accident sa tunga sang kotse kag trycicle sa Barangay Sublangon, Pontevedra, Capiz, samtang isa ang napatay.
ang napatay amo nga si alyas Naldo, 59-anyos, residente sang Barangay Ilaya, Pontevedra, nga amo ang nagamaneho sang kotse.
Samtang, pilason man ang driver sang tricycle nga si Gardo, 62-anyos, residente sang Barangay Cagay, Roxas City, kag ang tatlo sini ka pasahero nga sanday alyas Adelfa, Lito kag Anelyn.
Sa interview sang Bombo Radyo kay Police Captain Maria Fe T. Umiten, Officer-in-Charge sang Pontevedra Municipal Police Station, iya ginpahayag nga nag-agaw sang linya ang driver sang kotse kag nabungguan ang nakasugata sini nga tricycle nga may tatlo ka pasahero.
Bangud sa mabaskog nga impact sang pagbunggo nagtabog ang pareho nga trycicle.
Suno kay Umiten, nakaguwa na sa ospital ang driver sang tricycle kag ang mga sakay sini.
Ginapanumdom naman sang kapulisan ang mga motorista nga maghalong sa pagmaneho, likawan kag sundon ang mga regulasyon sa dalan agud malikawan ang disgrasya sa dalanon.
