Magasugod sa Nobyembre 15, 2026 ang tatlo ka bulan nga Closed Fishing Season sa Visayan Sea nga magatakop sa Pebrero 15, 2027 agud mahatagan sang tion ang mga isda nga magpadamo.
Sa interview sang Bombo Radyo kay Panay Capiz Mayor Jonathan “Sonny” Besa, iya ginpahayag nga dako ang mabulig sang sini nga tikang agud madugangan ang kadamuon sang mga isda sa kadagatan.
Suno kay Besa, paagi sa temporaryo nga pagdumili sang pagpangisda sa mga lugar nga sakop sang closed season, mahatagan sang kahigayunan ang mga isda nga mag-itlog kag magpadamo.
Lakip sa mga isda nga indi anay puwede dakpon sa sini nga tion ang bulaw, tamban, tuloy kag iban pa nga klase sang isda.
Ginalauman nga paagi sa amo nga tikang, maprotektahan ang kadagatan kag mabuligan nga mapadayon ang pangabuhian sang mga mangingisda sa mas malawig nga tion.
