ROXAS CITY — Isa ka world-class musical extravaganza ang ginapaabot nga magaabot sa Roxas City sa 2027, paagi sa MANIA: THE ABBA TRIBUTE, nga magadala liwat sa mga tumalan-aw sang ginatawag nga golden era of disco.
Sa sini nga espesyal nga pasundayag, mabatian liwat ang mga hit songs sang bantog nga Swedish pop group nga ABBA, sa isa ka talalupangdon nga tribute concert nga nagahatag sang kalidad kag international nga experience sa music.
Samtang, ginpahayag ang pagpasalamat sa Steve O’Neal Productions, kay Mr. Ed Sonza kag Managing Director Madelin Bernardo Samonte, sa pagdala sang sini nga international nga production sa syudad sang Roxas.
Ginapaabot man nga mangin isa ini ka espesyal nga kahigayunan para sa mga Roxasnon kag mga pumuluyo sang mas malapad nga probinsya sang Capiz nga masaksihan ang isa ka world-class nga pasundayag.
