Drone na may bomba, natukiban sa airport sa Germany

Natukiban sang mga otoridad sa isa ka airport sa Alemanya ang isa ka drone nga may dala nga bomba.

Suno sa mga otoridad, nasapwan sang isa ka empleyado ang drone malapit sa cargo plane sang Ukraine.

Gilayon naman nga nagbutang sang robot ang mga otoridad agud magpangita sang iban pa nga mga drone sa Leipzig/Halle Airport.

Nakuha naman sang mga robot ang detonator nga nalakip sa drone.

Ang ikaduha nga ginasuspetsahan nga drone ang nag-igo malapit sa isa ka eroplano.

Ginakabig sang Interior Ministry sang Germany ang insidente nga bag-o nga sahi sang pamahog sa pungsod.

Sang natukiban ang bomba, gilayon nga ginpa-alerto sang mga otoridad ang tanan nga mga airports sa nasambit nga pungsod.