Drug surrenderee, dakop sa drug buybust operation sa Pontevedra

ROXAS CITY – Arestado ang isa ka drug suspek sa ginkasa nga drug buybust operation sang mga kapulisan sa Barangay Rizal, Pontevedra, Capiz.

Ginkilala ang naaresto nga si Milner Mata, 23 anyos, isa ka drug surrenderee kag residente sang Barangay Jolongajog, sang nasambit man nga banwa.

Narekober sa drug suspek ang 5 ka sachets sang shabu, P500 nga buybust money kag P200 nga cash.

Ang nasambit nga operasyon ang ginkasa sang gintingob nga pwersa sang Station Drug Enforcement Units sang Pontevedra, Pilar, kag President Roxas Municipal Police Stations kag Provincial Drug Enforcement Unit (PDEU) sang Capiz Police Provincial Office (CPPO).