Yara sa kabug-usan nga P2.67 billion ang pondo sang Department of Social Welfare and Development para sa relief resources partikular sa panahon sang kalamidad.
Ini ang sa pagpanalasa sang Bagyong Enteng kag Southwest Monsoon ukon Habagat.
Suno sa Presidential Communications Office, may nahabili pa nga P65.56 million nga standby funds ang DSWD kag P2.6 billion naman para sa food and non-food items.
Magluwas pa ini sa masubra P16 million nga inisyal nga bulig nga napalab-ot sa mga apektado nga lugar.
Yara naman sa kabug-usan nga 767 nga barangays ang apektado sang Bagyong Enteng kag Habagat sa regions II, III, V, VI, VIII, VIII, CALABARZON kag NCR.
Suno sa datos sang DSWD yara sa 80,078 pamilya ukon yara sa 303,938 indibidwal ang apektado sang kalamidad.
Naglab-ot naman sa 60,202 individuals ukon yara sa 14,607 pamilya ang sa karon naga-istar sa 441 evacuation centers.
