Preparado na ang Department of Social Worker and Development (DSWD) Region 6 sa posible maapektuhan sang Bagyo Tino.
Sa interview sang Bombo Radyo kay Joselito G. Estember, Officer in charge Regional Director sang Department of Social Worker and Development Field Office VI, iya ginpahayag nga may yara na sang masobra 90 ka prepositioned food packs ang ila talatapan nga handa ipanagtag anuman nga oras nga kinahanglanon.
Suno kay Estember, igapadala ang nasambit nga mga food packs sa mga probinsya nga paga-agyan sang bagyo nga posible maka-angkon sang kahalitan.
Pahayag pa niya, magapanghatag man sila sang food packs sa mga nag-evacuate nga pumuluyo sa bulig sang tagsa ka local government unit.
Nagpanawagan man ang natungdan nga mangin alerto kag siguruhon ang seguridad sang pamilya sa sining tion sang kalamidad.
Interviewed by: Bombo Sunnie Mae Batencila via Bombohanay Bigtime
