Importante nga kinahanglanon sang tagsa ka pamilya ang bugas, gani daku ang pagpasalamat sang mga Roxasnon sa Bawat Bayan Makikinabang Rice Assistance Program ni Presidente Ferdinand “Bongbong” Marcos Jr., nga naghatag sang libre nga bugas sa mas madamo pa nga mga pamilya nga nagakinahanglan.
Samtang padayon nga ginahatag ang Bugas para sa Taga Roxas, nga regular nga nabaton sang linibo ka pamilya sa sulod na sang anum ka tuig, may dugang naman nga rice assistance para sa iban pa nga mga pamilya nga nagakinahanglan sang bulig.
Paagi sa BBM Rice Assistance*, mas madamo pa nga pamilya ang nakabaton sang libre nga bugas bilang dugang nga suporta sa ila adlaw-adlaw nga panginahanglanon kag pag angkon sang seguridad sa pagkaon.
Ginpahayag sang mga benepisyaryo ang ila pagpasalamat sa programa, nga nagabulig magpamag-an sang ila pinansyal nga kabudlayan, ilabi na sa nagataas nga gasto sa mga nagapanguna nga kinahanglanon sang panimalay.
Padayon naman ang panawagan sa mga nagakinahanglan nga magkuha sang impormasyon sa mga nagapatuman sang programa agud mahibaluan ang mga kinahanglanon kag proseso sa pagbaton sang rice assistance.
