Patay ang duha ka staff members sang Israeli embassy sa US matapos ginluthang.
Ang mga biktima, amo sanday Sarah Lynn Milgrim kag Yaron Lischinsky, gikan sa isa ka kahiwatan sa Capital Jewish Museum sa Washington, DC, sang sila gintiro.
Nadakpan ang suspek nga si Elias Rodriguez, 30-anyos nga taga-Chicago matapos ang insidente.
Ginpahayag nga nagsinggit pa ang suspek sang “free Palestine” pagkatapos sang insidente.
Padayon ang imbestigasyon sang mga otoridad kun may kaangtanan sa terorismo ang insidente.
Nagpabutyag sang paghinulsol si US President Donald Trump sa natabo, sa diin maathag nga ginbasehan ang natabo sa antisemitism.
Bangud sa insidente, nagmando ang Israeli Prime Minister Benjamin Netanyahu nga dugangan ang seguridad sa tanan nga mga embahada kag konsulado sang Israel.
