Duha ka mga persona pilason matapos nga aksidente nga mabungguan ang babayi nga nagatabuk sa dalan sa Barangay Bolo, Roxas City

ROXAS CITY-Nag-angkon sang kapilasan sa kalawasan ang isa ka mister matapos nabungguan sini ang isa ka babaye nga nagatabuk sa dalan sa Barangay Bolo sining syudad.

Sandig sa inisyal nga imbestigasyon sang Roxas City Police Station nga hinali nga nagtabuk sa dalan si Renilyn Glorian, 21-anyos kag residente sang nasambit nga barangay kabangdanan nga aksidente ini nga nabungguan sang  motorsiklo nga ginamaneho ni Roberto Vejo, 48-anyos sang Barangay Cayus Pilar, Capiz.

Bangud sini, nakaangkon sang pilas sa magkatuhay nga porsyon sang kalawasan ang duha ka mga persona nga lunsay nga ginpangdala sa ospital agud madapatan sang nakaigo nga pagbulong.