Gintalakay sa session hall sang Capiz Provincial Capitol, kadungan sang public hearing, ang duha ka proposed resolutions nga ginpasaka ni Capiz 1st District Board Member Dr. Cesar S. Yap Jr.
Ang una nga resolusyon may kaangtanan sa PhilHealth YAKAP kag GAMOT programs, nga may tinutuyo nga mapalapad ang access sang mga benepisyaryo sa health services kag kinahanglanon nga mga bulong.
Ang ikaduha naman amo ang “Capiz Safe Schools and Safe Minds Initiative” nga mapasangkad ang mental health kag safety sang mga estudyante sa mga eskwelahan sa probinsya.
Suno kay Board Member Yap, ginahatagan sang kahigayunan ang mga concerned agencies, health professionals, eskwelahan, local government units kag iban pa nga stakeholders nga maghatag sang ila mga suhestyon kag inputs antes ini ipadayon sa proseso sang 12th Sangguniang Panlalawigan.
Tinutuyo sang duha ka resolusyon nga mapabakod ang access sa health services kag bulong, kag makahimo makasuporta sa learning environment sang mga kabataan sa Capiz.
