Ginahayag sang PAGASA nga ang easterlies ukon mainit nga hangin halin sa Pacific Ocean ang nagapadayon nga nagaapekto sa pila ka bahin sang Pilipinas kag nagadala sang ulan sa pila ka lugar.
Suno sa ahensya, ginapaabot ang maulap nga kalangitan nga may kalapnag nga ulan kag thunderstorm sa Mindanao kag Palawan bangud sa easterlies.
Samtang, ang iban nga parte sang pungsod makabatyag sang partly cloudy tubtob sa maulap nga kahimtangan sang panahon nga may posibilidad sang isolated rainshowers ukon thunderstorm, labi na sa hapon ukon gab-i.
Ginpahayag man sang PAGASA nga ang easterlies amo ang main nga weather system nga nagaapekto subong sa Pilipinas, nga nagadala man sang mainit kag humid nga kondisyon sang panahon.
Sa pihak sini, ginpahanumdom sang ahensya ang publiko nga magpabilin nga alerto sa posible nga pagbaha ukon landslide ilabi na kon may mabaskog nga thunderstorm sa ila lugar.
