Napaslawan nga makapauli sang medalya ang Paris Olympic-bound nga si Ernest John “EJ” Obiena matapos nga nagpang-apat lamang sa pwesto sa Wanda Diamond League – Meeting De Paris sa Stade Charlety Paris sa France.
Nalampuwasan ni Obiena ang 5.75 meters kag naka-tie sini si Emmanouil Karalis sang Greece.
Apang napaslawan nga makaabante si Obiena matapos nga wala malampuwasan ang 5.85 sa duha ka attempt kag 5.95 naman sa iya ulihi nga attempt.
Nagpanguna sa event ang defending Olympic champion nga si Armand Duplantis sang Switzerland nga may 6.00 nga ginsundan ni Sam Kendricks sang United States nga may 5.95.
Nakuha ni Thibaut Collet sang France ang ikatatlo nga puwesto nga may 5.85.
Ginalauman naman nga makakuha sang pwesto ang 28-anyos nga si Obiena sa Paris Olympic Games pinaagi sa iya nga global ranking kaupod si Duplantis nga may uyat sang world record nga 6.24 meters nga amu ang nagapanguna.
