Ginpanginwala sang tech billionaire nga si Elon Musk ang report sang New York Times nga ginaalegar nga nagagamit siya sang ketamine kag iban pa nga droga sa tion sang 2024 Presidential elections.
Sa isa ka post sa X (Twitter anay), hugot nga ginpanginwala ni Musk ang mga alegasyon batok sa iya, nga nagasiling, “To be clear, I am NOT taking drugs! The New York Times was lying their ass off.”Ginpanindugan ni Musk nga madugay na siya nga wala naga-inom sang ketamine kag ginreseta lang ini para sa iya mental health.
Una diri, natalupangdan man sang publiko ang gasgas sa mata ni Musk nga nakita pagkatapos sang iya pagbiya bilang pinuno sang Department of Government Efficiency (DOGE), isa ka opisina nga gintuga sa idalum sang administrasyon ni Trump.
Gin-athag ni Musk nga ang pilas gintuga sang aksidente nga pagsumbag sa guya sang iya anak nga si ”X” samtang nagahampang sila.
Sang ginpamangkot si Trump nahanungod sa ginaalegar nga regular nga paggamit ni Musk sang droga, ang iya lamang sabat amo, “I wasn’t (aware),” apang nag-insister siya nga ang personalidad ni Musk tumalagsahon.
Gin-ako ni Musk sang una nga nagagamit siya sang reseta nga ketamine sa pagpakig-away sa depresyon, kag nagsiling nga nakabulig ini sa iya pagkamamugnaon.
