ROXAS CITY – Patay ang isa ka Empleyado sang Local Government Unit (LGU) matapos naaksidente sa national highway sa Brgy. Daan Banwa sang Tapaz Desyembre 22, 2023.
Ginkilala ang biktima kay alyas Leo, yara sa legal nga pang-edaron kag residente sang Brgy. Taslan Tapaz, Capiz.
Sa nakuha nga impormasyon sang Bombo Radyo nagikan sa Tapaz Municipal Police Station, nagikan sa Christmas Party ang biktima, kag pauli na kun tani sakay sang iya motorsiklo apang aksidente ini nga bumunggo sa tulay kag lumapaw rason nga nag-angkon ini sang pilas sa ulo.
Gilayon naman nga nagresponde ang Tapaz Emergency Response Team kag gindala sa ospital apang wala na ini sang kabuhi ang biktima.
Sa karon, nagapadayon pa ang imbestigasyon sang Tapaz Municipal Police Station angut sa nasambit nga insidente.
