WASHINGTON, United States – Ginpahayag sang envoy ni Donald Trump nga si John Coale nga ginamit niya ang “Locker Room Talk”, agud makapalapit sa lider sang Belarus nga si Alexander Lukashenko.
Suno kay Coale, ginlaygayan siya sang US Department of State nga ang lider sang Belarus naga-enjoy sang casual kag bastos nga istorya, gani gin-angot niya ini sa ila una nga pagtililipon.
Ginpanindugan niya nga handa siya magamit sang amo nga pamaagi kun ini ang paagi agud mapagwa ang ginatos ka political prisoners sa Belarus.
Nahibaluan nga si Lukashenko malapit nga kaalyado ni Vladimir Putin kag nagatinguha nga mapanumbalik ang relasyon sa West.
Madumduman nga ang paggamit sang pareho nga lengguwahe ni Trump sang 2016 nagdulot man sang kontrobersiya, nga iya ginlaragway bilang “locker room talk.”
