Ginhatagan sang pagkilala sang UP Gawad Oblation ang miyembro sang banda nga Eraserheads.
Nagtambong kag personal nga ginbaton nanday Ely Buendia, Raimund Marasigan, Buddy Zabala kag Marcus Adoro ang pagkilala bangud sa kontribusyon nila sa patag sang musika sa pungsod subong man sa nasambit nga unibersidad.
Mahibaluan nga ang banda ang anay mga estudyante sang nasambit nga unibersidad.
Ginpahayag ni University of the Philippines System President Atty. Angelo Jimenez nga ang amo nga pagkilala sadtong 2017 pa ginlunsyar.
Ini ang pinakamataas nga pagkilala nga ginhatag sang nasambit nga unibersidad sa ila mga estudyante nga nagahimo sang pangalan sa pungsod.
Nagpasalamat ang grupo sa pagkilala nga gingawad sa ila kag ginganyat ang tanan nga ipursige ang ila nga hilig sa musika.
