-- ADVERTISEMENT --
ROXAS CITY-Patay ang 4th year criminology student matapos nagbunggo sa poste sang streetlight ang ginamaneho nga motorsiklo sa Sacred Heart Avenue, Pueblo de Panay, Barangay Lawaan, Roxas City.
Ginkilala ang biktima nga si Carlo Eribal sang Barangay Agtangway, Dao, Capiz nga nag-angkon sang patal nga pilas sa ulo.
Suno kay Raymart Bastian, security guard sang Urban Manor hotel nga nakasaksi sa aksidente, madasig ang pagpadalagan sang biktima sa motorsiklo nga nadulaan sang kontrol kag ginsaga-id ang kilid sang center island tobtob nagbunggo sa streetlight kag nag-apok.
Nadala pa sa ospital ang biktima apang gilayon man nga ginbawian sang kabuhi.
Nahibaluan nga hubog ang biktima sang nagluntad ang aksidente.
-- ADVERTISEMENT --
