Pilason ang isa ka estudyante matapos nga nabungguan sang motorsiklo samtang nagatabuk sa dalan sa Barangay Bailan, Pontevedra, Capiz.
Ginkilala ang biktima nga si alyas Ekay, 22-anyos, residente sang Barangay Bago banwa sang Panay samtang ang suspek ang ginkilala kay alyas Bebong, 18-anyos kag residente sa banwa sang Panitan.
Sa nangin interview kay PSSG. Isaiah Bornales, imbestigador sang Pontevedra MPS, ginpahayag nga samtang ginasubay ni alyas Bebong ang dalanon nagikan sa Barangay Rizal kag padulong kun tani sa Barangay Bailan sang aksidente sini nga nabungguan ang nasambit nga estudyante bangud wala sini matalupangdi nga nagtabok.
Gilayon namn ini nga ginrespondihan sang mga katapo sang rescue team sa banwa sang Pontevedra ang kapareho nga biktima kag suspetsado nga lunsay ginpadangat sa separado nga ospital.
Sa karon, yara na sa kustodiya sang Pontevedra Municipal Police Station ang nasambit nga motorsiklo para sa nagakaigo nga disposisyon.
