Nakahanda si anay Presidente Rodrigo Duterte nga mag-atubang sa imbestigasyon sang International Criminal Court (ICC).
Ginganyat man ni Duterte ang international criminal court nga dasigon ang imbestigasyon nga may kaangtanan sa reklamo nga crime against humanity batuk sa iya.
Suno kay Duterte, kun pwede bwas magpadulong na diri sa pungsod ang mga katapo sang ICC.
Sa pagdinig sang Quad Comm, ginsiling ni Duterte nga wala ini sya nahadlok sa ICC.
Dugang pa sini, kinahanglan magsako ang ICC bangud basi mapatay na ini kag indi na siya maimbestigahan nga may kaangtanan sa ginapahayag nga extra judicial killings nga natabo sa idalom sang ginpatuman sini nga war on drugs.
Ginsiguro ni Duterte nga kun mapamatud-an sang ICC nga guilty sya sa alegasyon nga crime against humanity, handa sya nga mabulok sa sulod sang presohan. Wala man suno ini nahadlok mapadulong sa impiyerno.
