ROXAS CITY – Nag-apelar ang anay kongresista sa quinto distrito sang probinsiya sang Iloilo sa utod nga si Congressman Raul ”Boboy” Tupas nga untatan na kag indi na paggamiton ang kontrobersiyal nfa isyu sa Iskolar sang Quinto sa Northern Iloilo Polytechnic State College (NIPSC).
Nagpanindugan si Niel ”Jun Jun” Tupas nga pulitika ang yara sa likod sang nasambit nga kontrobersiya, bangud nahadluk ang utod sa liwat sini pagpadalagan bilang kongresista.
Apang gindula sang anay mamalidha ang pagkabalaka sang utod, bangud wala nasentro sa
sa eleksyon ang atensyon sini sa karon, kundi sa pagbulig sa mga scholars nga may handum nga makatapos sa pag-eskwela para mabuligan ang ila pamilya.
Ginpahanumdum man ni Jun Jun Tupas ang presidente sang kolehiyo nga si Ma. Theresa Palmares kag Vice President for Finance Hilda Magsisa nga indi magpagamit sa iya nga utod nga si Congressman Tupas agud malikawan ang dugang nga mga kaso.
