ROXAS CITY- Ginkumpirma sang Department of Justice nga natapos na sadtong nakaligad nga semana ang extradition trial batok kay anay Negros Oriental Representative Arnolfo “Arnie” Teves Jr. sa Timor Leste.
Suno sa ahensya, ginhatagan sang korte ang magkakain-lain nga partido sang bastante nga oras agud maka-sumite sang ila nga mga posisyon kag argumento.
Magasumite suno ang Timor Leste Central Authority sang nagakaangay nga Position Paper nga amo naman ang pagasundan sang kampo sang anay mamalidha.
Lima ka adlaw naman ang ginpain sang korte agud makapaguha sang ila desisyon.
Ginalauman naman sang DOJ nga igapaguha ang desisyon sang korte sa Timor Leste sa ulihi nga bahin sang bulan nga ini.
Samantala, nagpamalibad naman ang abogado ni Teves nga si Atty Ferdinand Topacio nga magahatag sang assessment sa natabo nga Extradition trial .
Ayon kay Topacio, ang nangin hearing ang klaro nga biased kag self-serving lamang.
