Nag-apelar si Philippine Chamber of Agriculture and Food Inc. President Danilo Fausto nga himuon nga libre ang distribusyon sang mga nasambit nga bakuna sa mga backyard hog raiser.
Ini ang kadungan sang ginalauman nga pagpaguwa sang bakuna kontra African swine fever(ASF) subong nga bulan para sa mass trial.
Suno kay Fausto, ang commercial availability sang bakuna ang sigurado nga makatapna sa ASF.
Yara sa 60 porsyento sang pork supply sa Pilipinas ang nagikan sa mga backyard hog raisers.
Ginrekomendar man ni Fausto nga pagasabton na lang anay sang mga commercial pork producer ang bayad sang ASF vaccine nga mahimo ihatag sang libre sa mga backyard raiser.
Matandaan nga una na nga ginkumpirmar ni DA Sec. Francisco Tiu Laurel Jr. ang posibilidad sang pagpaguwa sang bakuna batuk sa ASF sa labing madali nga panahon kadungan sang koordinasyon sang DA sa Food and Drugs Adminisration(FDA).
Nahibaluan nga tubtob sa una nga semana sang Hunyo 2024, naglab-ot sa gihapon sa 58 ka probinsya sa bug-os nga Pilipinas ang yara sa idalom sang ‘red zone, ukon apektado sang nasambit nga virus.
