Ginalauman ni Pinay tennis star Alex Eala ang mabudlay nga hampang batok sa American tennis star nga si Coco Gauff sa round of 32 sang Indian Wells Open.
Magakit-anay liwat ang duha pila ka semana matapos ang ila hampang sa quarterfinals sang Dubai Tennis Championships sa diin nagdaug si Gauff sa score nga 6-0, 6-2.
Suno kay Eala, ginalauman niya nga mangin mabudlay ang ila rematch, ilabi na nga magahampang si Guff sa iya ang nga pungsod sa diin sigurado nga madamo sang tumalan-aw nga magasuporta sa iya.
Pahayag pa niya, gamiton niya ang mga leksyon nga natun-an sa ila nauna nga hampang samtang nagapreparar sa masunod nga pag-atubangay.
Samtang, nakasulod naman sa Round of 32 si Eala matapos ginlutos si Dayana Yastremska sa Round of 64.
Dugang pa ni Eala, kinahanglan niya nga ihatag ang tanan nga kusog agud makuha ang kadalag-an kag ginalauman sini nga mangin mas matig-a pa ang hampang sa iya masunod nga competition.
