Filipina tennis star Alex Eala, napaslawan sa una nga round sang Australian Open

Napaslawan ang Filipina tennis star nga si Alex Eala sa women’s singles sang Australian Open.

Ini matapos mapierde siya ni Alycia Parks sang US sa score nga 0-6, 6-3, 6-2.

Sa una nga set, maayo ang nangin performance ni Eala kon sa diin madamo nga pinoy ang naglantaw sa iya nga hampang.

Apang, pagsulod sa ikaduha nga set, naka-adjust si Parks kag nakuha ang kadalag-an sa iya serve.

Gintinguhaan pa ni Eala nga magbalik agud magdaug apang mabaskog ang hampang sang American tennis player.

Madumduman nga sang 2025, una nga nagpaindis-indis si Eala sa French Open kag Wimbledon.

Sa US Open, nagdaug siya sa una nga round sang ginlutos niya si Clara Tauson antes napaslawan sa ikaduha nga round.