Nagbalik na sa Senado si Senator Ronald “Bato” dela Rosa matapos ang pila ka bulan nga wala nagpakita sa publiko.
Suno sa senador, nahuya ini bangud ginabatikos siya sang publiko nga nagabaton sang sweldo bisan wala nagasulod kag wala nagatrabaho.
Ginpahayag man sang Senador nga may mga importante nga isyu sa Senado nga kinahanglan niya atubangon, pareho sang pagbag-o sang liderato kag ang posible nga impeachment trial.
Ginpanindugan sini nga indi niya batasan ang magbaton sang sweldo nga wala serbisyo gani nagdesisyon ini nga magbalik sa trabaho.
Madumduman nga wala na nagpakita sa publiko ang senador halin sang Nobyembre matapos ginbuyagyag nga may warrant of arrest batok sa iya ang International Criminal Court (ICC) may kaangtanan sa kampanya kontra ilegal nga droga sang administrasyon ni Former Pres. Rodrigo Duterte.
Sa subong, yara si dela Rosa sa protective custody sang Senado samtang ginahulat ang desisyon sang Korte Suprema sa ila mga petisyon.
