ROXAS CITY – Daku nga dungog ang nabatyagan sang mga representative sang Capiz State University nga mangin kabahin sang mga finalist sang The Next Bombo Idol – An Extemporaneous speaking contest.
Sa interview sang Bombo Radyo kay Jay P Basa, Bachelor of Secondary Education-Major in English student sang Capiz State University- Main Campus, iya ginpahayag nga daku gid ang mabulig sang nasambit nga kompetisyon agud nga mapagwa ang iya nga abilidad sa komunikasyon kag pagpanghuna-huna sa nagkalain-lain nga isyu sa palibot.
Samtang, suno naman kay Lezli Fano, Bachelor of Secondary Education-Major in English student sang Capiz State University-Burias Campus, apisar may kahadluk ini sa pag-atubang sa madamu nga tawo, iya pamatud-an nga may yara man ini sang ginatago nga talento pag-abot sa patag sang public speaking.
