-- ADVERTISEMENT --
Ginpakita sang Choco Mucho ang kapag-on sang mga ini sa dikdikan nga hampang matapos nila nga ginlutos ang ZUS Coffee, sa iskor nga 20-25, 20-25, 25-22, 25-22, 15-9 sa 2024-2025 Premier Volleyball League (PVL) All-Filipino Conference nga ginpatigayon sa Philsports Arena.
Matapos ang gitgitan nga apat ka set, ginpabatyag sang Flying Titans ang ila kabaskog sa set five nga nagkaiskor sang 9-1.
Nakasabat ang Thunderbelles gikan sa malutong nga spike ni Jovelyn Gonzaga kag isa ka puntos gikan kay Glaudine Troncosco, 3-9 pero napaslawan ang mga ini nga makalagas kag ginlutos sila sang Flying Titans.
Nakabawi ang Flying Titans gikan sa duha ka sets nga pagkalubog sa pagpanguna nanday Sisi Rondina kag nagabalik hampang nga si Deanna Wong.
