Arestado ang anay Kagawad matapos gin-implementaran sang Search Warrant sang mga kapulisan sa Barangay Sto. Rosario, Dumalag, Capiz.
Ginkilala ang arestado ky alyas Joe, 72-anyos nga residente sang nasambit nga lugar.
Sandig sa impormasyon nga nagikan kay PCPT JAYPEE D SILVESTRE, OIC – Dumalag Municipal Police Station, nakuha sa posisyon sang akusado ang isa ka Homemade 12-gauge shot gun (long barrel) nga may 9 live ammunitions; isa ka unit sang .38 caliber armscor revolver nga may 14 ka live ammunitions; 11 ka .45 live amminitions; isa ka .40 live ammunitions kag isa man ka 7.62 live ammunitions.
Ang amu nga operasyon may kaangtanan sa bayolasyon sang Republic Act No.10591 ukon ang Comprehensive Firearms and Ammunition Act kun sa diin ang nasambit nga Search Warrant ang gin-isyu kag ginpermahan ni Hon. Rommel L. Leonor, Executive Judge of RTC Branch 21, 6th Judicial Region, Mambusao, Capiz nga napetsahan sadtong Marso 5, 2025.
Samtang, wala naman sang ginpakita nga dokumento ang suspek angut sa nakuha sini sang mga kapulisan sa nasambit nga armas-luthang.
Dugang nga Kaso nga pagaatubangon sang akusado amo ang paglapas sa RA 10591 kag pagbayolar sa Comelec Gunban.
Sa karon, nagapabilin ini sa karsel sang Dumalag PNP para sa nagakaigo nga disposisyon.
